(白)秋喜 阿秋喜 阿秋喜你去邊處呀秋喜
(餓馬搖鈴)唉風聲訴恨 唉風聲訴怨 怨恨滿江湄 茫茫曠野 暗暗大地
人絕影 鳥哀啼 唉嬌花已落 唉貞花已碎 死別更加悲
歸誤期 真怕見 怕見那狂潮怒起 悲歌唱出惜別離 傷別離
唉我臨江夜弔秋喜 你囉 我傷心 傷心淚淋漓
未得對花 對花酬唱共琴棋 我欲黃泉去 再度同卿細畫眉
滿江血淚珠 哎呀見卿我恨遲 人永別 我相思 情愛不移
嬋娟夜拜心香炷囉 我願魂兮 就魂兮慰心癡
再得燕共棲 彈豔曲 又題豔詩 香閨夜憑欄多快意
(插白)秋喜
(唱)生生世世 有合無離 傷心語囉 千萬記 你咋魂兮咋回來 永相依
我就成名咋 回來都不再娶
(白)秋喜
(南音)唉我聞得妹你話死囉 我就淚滴成珠 今日落花流水 正係恨何如
當日相逢 花解語呀 燈前伴我 去讀詩書
卿是煙花 一個奇女子呀 你偏垂青眼 你就愛呢個寒儒
又嚸想醉後種成 嗰棵連理樹呀 又把千金相贈我 畀我上京師
估話中得一個狀元 歸故里呀
(轉乙反)我把鳳冠霞帔囉 贈與娥眉 又嚸想一別竟流 千點淚囉
可憐你薄命囉 過花枝 千里尋來 嚸想來不遇
一時你就誤會囉 又話我愛上鶯兒 兒 兒
(插白)你 你冤枉我囉 你太冤枉我囉你 邊個替你 咁辛苦呀你 陰功
(唱)可憐你為咗愛情 噉就投水死 計我話輕生何苦囉 得咁心癡
唉你嘅香屍 究竟流咗去邊處 我問句幾時 你嘅魂魄 你重再返嚟
(趨爽)剩得愛子無娘 佢啼不住 佢一聲啼哭 我就一聲悲 今夜江頭我就來祭你
(轉正線)此後我就無知己囉 卿如有鬼 你就要聽我嘅衷詞〔收〕
(乙反中板)昔日燕同巢 記不盡妾愛郎憐 說不盡溫情 和綺旎
此後永 相分 正係陰陽悲永隔 誰為我撫育 那嬌兒 妹呀我欲 殉情
寧願做對鬼夫妻 無奈我難離 我嘅愛子
誰補我破碎 嘅情心 續弦又怕蘆花恨 都只有長作 鰥魚
唉我最 傷心 從此後永隔陰陽
(滾花)可憐郎是人來卿是鬼
(長句乙反滾花)唉我呼秋喜 我喚秋喜 你知否我露冷霜寒 我都來等你
等你鬼魂相會 與我在江湄 我不似千古薄情 就學得嗰個陳世美
我又不是王魁薄倖 就負娥眉 唉 我要共你做對比目之魚 我都同生死
真係可憐可恨 我今日面對江湄
〔句〕可憐我生死悠悠 唉 我真係自問决難捨得你呀 秋喜
〔句〕正係天長地久有時盡 又怕綿綿此恨渺無期